Torger Iverstugun – Ekko frå fjellet

Torger Iverstugun var ein ekte kulturformidlar. Historia om han er nå skrive ned i boka "Ekko frå fjellet". Kom på Ukas impuls og høyr tre av forfattarane fortelje om mannen, musikken og historiane som lever vidare.

Torger Iverstugun (1880-1974) frå Skåbu var så mangt: familiefar, felespelar, folkemusikkinnsamlar, komponist, poet, politikar, småbrukar, bygdamenneske, replikkunstnar og meir til. Kanskje aller mest var han ein som trudde på og stod for det kulturgrunnlaget han voks ut frå. Han var ein føregangsmann på fleire område i si tid. Nå er sentrale sider ved livet hans samla i ei bok, «Ekko frå fjellet», utgitt av Mukampen spel- og dansarlag.

• Ved Roger Slåstuen, Sjur Sande og Rasmus Stauri
• I utstillinga Impulser
• Varigheit: 15 minuttar
• Fri inngang med årskort