Omslag fra Samlaget / Maria Lavik fotografert av Tove K. Breistein.
Bokbad: Odelsskam - å gje slepp på ein gard etter femten generasjonar
Stad: Øyer Prestegard, Midtbygdsvegen 57, 2636 Øyer
Odelsjente og forfattar av boka Odelsskam, Maria Lavik, samtalar med lokalmatsselger, forfattar og politikar Alice Gudheim. Velkommen til bokbad!
Bokomtale frå Samlaget:
«I femten generasjonar før meg har mine forfedrar lempa stein og slite med jorda slik at dei som kom etter, skulle få eit betre liv. Skal det ta slutt med meg? For eg bur i byen og har bygd meg eit godt liv der.»
"I boka Odelsskam skildrar odelsjenta Maria Lavik oppveksten på eit småbruk på Vestlandet. Ho veks opp med sauesanking, store avstandar, bokbuss annankvar torsdag og historier om ei livskraftig og motkulturell slekt. Men alt som sekstenåring flyttar ho ut. Burde ho koma tilbake? Odelsskam skildrar ein gard, ein plass og ein tilstand som held på å gleppa mellom hendene på forfattaren. Boka skildrar den evige reisa som mange utflyttarar er på, i stadig rørsle mellom bygda og byen, mellom «heim» og heim. Samanvoven med hennar historie er den særnorske, over tusen år gamle odelsretten. Lova som koplar jorda og slekta saman til ein nesten heilag symbiose. Odelsskam er ei nær og rørande historie om tradisjonar og endring.
Samanvoven med hennar historie er den særnorske, over tusen år gamle odelsretten – ein rett, men ikkje ei plikt. Lova som koplar jorda og slekta saman, lova som har vore mykje omdiskutert i nyare tid. Ho skal verne garden og halde han i drift. Men er det framleis slik? Er det ei direkte kopling mellom odelsrett og jord i hevd i ei tid der det vert lagt ned ein gard kvar dag?"
Det blir sal av kaffi og kringle.
Om forfattaren:
Maria Lavik er forfattar og journalist, oppvaksen i Eksingedalen og busett i Oslo. Lavik har erfaring frå NRK, Klassekampen og Vårt Land. Ho har gjeve ut to sakprosabøker: Vi, dei fattige: Åtte forteljingar om barnefattigdom (2021) og Odelsskam: å gje slepp på ein gard etter femten generasjonar (2024)
Om innleiaren:
Alice Gudheim kjem frå Valdres. Ho er skribent og prosjektleiar for Valdresmusea si satsing «Ung i debatten». I tillegg driv ho Bitibua, ein tradisjonsrik kiosk med lokalmatutsal på Beitostølen i Øystre Slidre.
Maihaugen museum arrangerer bokbadet i samarbeid med Øyer Bygdekvinnelag, Øyer-Tretten Bonde- og Småbrukarlag og Øyer-Tretten Bondelag.
Arrangementet er finansiert gjennom prosjektet Eit skigardsdele – frå stølskultur til hytteindustri. Les om prosjektet på Valdresmusea sine nettsider.
Prosjektet har fått midlar fra Kulturdirektoratet.
